Tu ne Acha kiya auqaat main rakha howa hai
Kia kahin kashaf o karamat main rakha howa hai
Ya tera ishq manajaat main rakha howa hai
Mujtahid! Ishq ki tafseer jo mumkin he nahi
Kis liye phir isay Ayaat main rakha howa hai
Aen mumkin tha tere hath se jata rehta
Tu ne Acha kiya auqaat main rakha howa hai
Kiya tamasha hai koi ishq thama ker sahab
Roz ik hijr meri ghaat main rakha howa hai
Main to darya ke safar k liye mozun bhi nahi
Tu ne sehra bhi mere hath main rakha howa hai
Dar sa rehta hai kahin toot na jaye Meesum
Ye jo ik hubs meri zaat main rakha howa hai
0 Comments