Suno Larki Kisi Ko Tum Ne Chaaha Tha Wo Tumhen Mil Nahi Paya

Kisi Ko Main Ne Chaaha Tha Woh Mujhe Mil Nahi Payi

Adhuri Tum Bhi Ho Ab Tak

Adhura Main Bhi Hun Ab Tak

Adhure pan Ki Tanhaai Tumhen Bhi Dasti Rehti Hai

Adhure pan Ki Tanhaai Mujhe Bhi Dasti Rehti Hai

Adhure pan Se Tum Bhi Ab Nikalna Chahti Ho Na

Adhure pan Se Main Bhi Ab Nikalna Chahta Hun Bas

Tumharey Aur Mere Sab Masaail Ek Jaisey Hein

Sabhi Gham Ek Jaisey Hein Sabhi Dukh Ek Jaise Hein

Suno Larki Chalo Ek Kaam Karte Hein

Mujhe Tum Vaisa Hi Chaaho K Jaisa Us Ko Chaaha Tha

Tumhen Main Vaisa Hi Chaahun K Jaisa Us Ko Chaaha Tha

Chalo Aao Hum Mil Jul Kar Naya Ek Ghar Basate Hein

Mohabbat K Diye Ko Phir Mohabbat Se Jalaty Hein