Marte huey zameer ko bachana para mujhe
Badal ki tarah dasht mein Aana para mujhe
Wo kar nahi raha tha meri baat ka yaqeen
Phir yun hua k mar k dikhana para mujhe
Bhoole se meri simt koi dekhta na tha
Chehre pe ek zakham lagana para mujhe
Ek aJnabi se hath milane k waaste
Mehfil mein sb se hath milana para mujhe
Us bewafa ki yaad dilata tha bar bar
Kal Aaine pe hath uthana para mujhe.
0 Comments