Agar Ham Zindagi Ka Raasta Hamwaar Kar Len Ge

Agar Ham Zindagi Ka Raasta Hamwaar Kar Len Ge,
Hamare Baad Kaafi Log Dariya Paar Kar Len Ge,

Kisi Ke Dard-e-Derina Se Apna Wasta Kya Hai,
Agar Voh Mil Gaya, Afsos Ka Izhaar Kar Len Ge,

Usey To Kya Shifa Hogi, Mujhe Kuch Aisa Lagta Hai,
Ye Chaarah'Saaz Apne Aap Ko Beemar Kar Len Ge,

Woh Kitni Dair Tak Rotha Rahe Ga ' Sagar Yaaron Se,
Gale Lag Jayen Ge, Aariz Milen Ge, Pyaar Kar Len Ge.