Ab K Youn Bhi Teri Zulfoo'n Ki Shikan Tooti Hai,

Ab K Youn Bhi Teri Zulfoo'n Ki Shikan Tooti Hai,

Rung Phootey Kaheen Khushboo Ki Rasan Tooti Hai,



Maut Aai Hai K Taskeen Ki Saa'at Aai,

Saans Tooti Hai K Sadiyoo'n Ki Thakan Tooti Hai,



Dil Shikasta To Kai Bar Howay Thay Lekin !

Ab K Youn Hai K Har Ek Shaakh-e-Badan Tooti Hai,



Itni Be-Rabt Muhabbat Bhi Kahaan Thi Apni,

Darmiyaan Se Kaheen Zanjeer-e-Sukhan Tooti Hai,



Silsila Tujh Se Bicharnay Ka Kahaan Khatam Howa,

Ek Zamaaney Se Raah-o-Rasm-e-Kuhaa'n Tooti Hai,



Meray Yaaroo'n K Tabbasum Ki Kiran Maqtal Main,

Nok-e-Neza Ki Tarah Zair-e-Kafan Tooti Hai,



Reza Reza Main Bikharta Gaya Har Suu "Mohsin"

Sheesha Sheesha Meri Sangeeni-e-Fun Tooti Hai ...