Lahoo Se Dil Kabhi Chehre Ujaalnay K Liye.

Lahoo Se Dil Kabhi Chehre Ujaalnay K Liye.

Main Jee Raha Hoon Andheron Ko Taalnay K Liye.



Utar Parey Hain Parindon K Ghoul Sahil Par.

Safar K Bojh Samandar Main Daalney K Liye.



Sukhan Libaas Pe Thehra To Jogiyon Ne Kaha.

K Aasteen Hai Faqat Saanp Paalney K Liye.



Main Sochta Hoon Kabhi Main Bhi Kohkan Hota.

Tere Wujood Ko Pathar Main Dhaalnay K Liye.



Kisay Khabar K Shabon K Wujood Lazim Hai.

Fiza Main Chaand Sitarey Uchaalnay K Liye.



Baha Rahi Thi Wo Sailaab Main Jehaiz Apna.

Badan Ki Doobti Kashti Uchaalnay K Liye.



Wo Mahtab-e-Sift, Aaeina Jabeen "Mohsin"

Galay Mila Bhi To Matlab Nikaalnay K Liye...