Umeed K Sehra Main Jo Barson Se Kharra Hai,

Umeed K Sehra Main Jo Barson Se Kharra Hai,

Halaat Ki Be-Reham Hawaon Se Larra Hai,



Ruswaee Se Bhagay To Ye Mehsoos Huwa Hai,

Tanhai Ki Manzil Ka Safar Kitna Karra Hai,



Heeray Ki Kani Ho To, Tabasum Bhi Bahut Hai,

Lo Saamne Ik Kaanch Ka Minaar Kharra Hai,



Youn Zehan Pe Barsa Hai Teri Yaad Ka Badal,

Jaise K Koi Koh-e-Alam Toot Parra Hai,



Guzray Huway Lamhe Kabhi Wapis Nahi Aatay,

Kiyon Soorat-e-Diwaar Andhere Main Kharra Hai,



Ik Wajh-e-Mubhim Hoon Ba-Zahir Main Ufaq Par,

Kehte Hain Mera Naam, Mere Qad Se Barra Hai,



Ik Main Hi Akela Nahi Is Dast-e-Khalish Main,

Jalta Huwa Sooraj Bhi Mere Sar Pe Kharra Hai,



Na Qadri-e-Jazabaat K Is Ehad Main,

Aa Jaaye Agar Raas Pathar Bhi Barra Hai,