Kis Qadar Zulam Dhaaya Kartay HO

Kis Qadar Zulam Dhaaya Kartay HO,

Yeh Jo Tum Bhool Jaya Kartay HO,



Kis Ka Ab Haath Rakh Kay Seenay Par,

Dil Ki Dharkhan Sunaya Kartay HO,



Hum Jahaan Chaaye Peenay Jaatay Thay,

Kiya Wahaan Ab Bhi Aaya Kartay HO,



Kiyon Mere Dil Mein Rakh Nahi Detay,

Kis Liye Gham Uthaya Kartay HO,



Phone Par Geet Jo Sunatay Thay,

Ab Woh Kis Ko Sunaya Kartay HO?



Aakhiri Khat Mein Us Ne Likha Tha,

Tum Mujhe Yaad Aaya Kartay HO.