Haal-e-Dil Sun Sako Agar Apna.

Haal-e-Dil Sun Sako Agar Apna.
Hai Bhot Qisa Mukhtasar Apna.

Zindagi Dard Ki Musaafat Hai.
Kaash Hota Woh Hum- Safar Apna.

Apni Aankhon Se Toot- they Dehka.
Choorhiyon Ki Taraha Se Ghar Apna.

Ab Woh Nazrein Churaaye Phirta Hai. Woh Jo Tha Aik Chara-Gar Apna.

Koi Deewar Bhi Nahi Apni.
Ab Nahi Koi Bhi Shajar Apna.

Chaaon Ki Hai Sadaf Talab Tum ko.
Kis Qadar Door hai Saaya Apna.