Dard sy choor hoty jaa rahy haiN

Dard sy choor hoty jaa rahy haiN

Zakhm naasoor hoty jaa rahy haiN

Badgumaani ka kuchh sabab hi nahiN

Be sabab door hoty jaa rahy haiN

Ashk mashkeezy gham ky kaaNdhoN par

Gham bhi mazdoorhoty jaa rahy haiN

Inkisaar-ul-mizaaj ham huwy kya

Log maGhroor hoty jaa rahy haiN

Mairi GhazloN ko auRh kr mere Gham

Kitny mash'hoor hoty jaa rahy haiN

Din ki aaNkhoN sy jo bahay jugnu

Shab ka wo noor hoty jaa rahy haiN

Khody qabr apni har koi, Aashi

Kysy dastoor hoty jaa rahy haiN