Husn ki kya auqaat hy sajnaa
Ishq mukammal zaat hy sajnaa
Tairi ik muskaan sawaira
Warna kaali raat hy sajna
MeeThaa MeeTha dard muhabbat
Bechaini soghaat hy sajnaa
Maut bhi aa jaaye tau Khush hooN
Haath maiN taira haath hy sajnaa
Roshan roshan harf haiN tujh sy
Tujh sy jagmag baat hy sajnaa
Tu rooh-e-ehsaas hy saajan
Tu jaan-e-jazbaat hy sajnaa
Jis maiN mil kt jhoomaiN bheegaiN
Bus wo hi barsaat hy sajnaa
Dunya ki parwaah na kr tu
Aashi tariy saath hy sajnaa
0 Comments