Thursday, 10 August 2017

mere pehlu main reh kar bhi kahi ro posh ho jana

mere pehlu main reh kar bhi kahi ro posh ho jana
mujhe youn dekhna aor dekh kar khamosh ho jana

qasam hai chashm e zeba ki muje bhoolay nahi bhoola
tuje kaliyon ka aisay dekh kar madhosh ho jana

tuje ye sheher walay phir mere baray main poochain gay
nazar se muskurana aor phir khamosh ho jana

zamana sansn bhi lene nahi deta hamain lekin
hamaray wastay tum chain ki aghosh ho jana

na mujh main wasf e moosa thay na main mehv e takallum tha
mera banta nahi tha is tarah be hosh ho jana

mere zakhmon mere naalon ka iklota muhafiz hai
mere shaanon pe tere hijr ka bardosh ho jana

so ab us nazaneen ki adaton main yeh bhi shamil hai
chaman main rat kar lena waheen gull posh ho jana

No comments:

Post a Comment