tumhari berukhi mujh ko vabaal e jan lagti hai
mujhe meri udasi bhi mera emaan lagti hai
kabhi aao tumhain main khol kar seena dikhaon ga
tumharay bin gali dil ki bari veeran lagti hai
jagah to hai nahi is main hamain phir kiyun basana hai
tumharay dil ki abaadi bari gunjaan lagti hai
wo ik muddat se sharmati hai mera naam anay per
bari ho kar bhi wo larki mujhe nadaan lagti hai
meri apni kahani main koi bhi morr ajaye
mujhe teri muhabbat zeest ka unwaan lagti hai
hamary baad koi bhi theher paya nahi hoga
kisi ki ankh muddat se barri veeran lagti hai
main kitne hi hawalon main raha hon per najanay kiyun
mujhe yeh shayeri hi bas meri pehchaan lagti hai
0 Comments