Gham-E-Dil Ko In Aakhon Se Chalak Jana Bhi Aata Hai,

Gham-E-Dil Ko In Aakhon Se Chalak Jana Bhi Aata Hai,

Tarapna Bhi Humain Aata Hai Tarpana Bhi Aata Hai,

Kisi Ki Yad Mein Jo Zindagi Hum Ne Guzari Hai,

Humain Wo Zindagi Apni Mohabbat Se Bhi Pyari Hai,

Wo Aain Roo Ba Roo Hum Dastan Apni Sunain Gay,

Kuch Apna Dil Jalain Gay Kuch Un Ko Aazmain Gay,

Dabe Paon Humain Aa Kar Kisi Ka Gud Guda Dena,

Wo Apna Rooth Jana Aur Wo Un Ka Mana Lena,

Wo Manzar Jhankte Hain Aaj Bhi Yadon Ki Chilman Se,

Bhula Sakta Hai Kaise Koi Wo Anzad Bachpan K,

Humain Aata Nahi Hai Pyar Mein Be Aabro Hona,

Sikhaya Husn Ko Hum Ne Wafa Mein Surkharo Hona,

Hum Apne Khoon-E-Dil Se Zindagi Ki Mang Bhar Den Gay,

Ye Dil Kia Cheez Hai Hum Jan Bhi Qurban Kar Den Gay..