hum thay hmaray sath koi teesra na tha,

hum thay hmaray sath koi teesra na tha,

aisa haseen din kahin daykha suna na tha.



aankhon main us ki tair rahay thay haya k rang,

palkain utha k meri traf daykhta na tha.



uss k to ang ang main jalnay lgay diye,

jaadu hay meray hath main mujh ko pta na tha.



uss k bdan ki low say thi kamray main roshni,

khirrki main chand , taaq main koi diya na tha.



roya kuch is trah meray shaanay say lag k woh,

aisay laga k jaisay kabhi bewafa na tha.



hay ishq aik rog muhabat azab hay,

ik roz ye khrab kren gay kaha na tha.



Ae dil wahan pe had koi rehti bhi kis trah,

ruknay ko keh raha tha mgr rokta na tha.