Yun Hi Chalte Howey Raston Mein Kayi Humsafar Jo Milay,

Yun Hi Chalte Howey Raston Mein Kayi Humsafar Jo Milay,

Aur Bichharte Gaye,



Aatay Jatay Howey Mosmon Ki Tarha,

Ap Hi Apni

Gard-E-Safar Ho Gaye,



Na Kabhi Main Ne Phir Murr Kay Dekha Unhein,

Aur Na Socha Kabhi,

Woh Kahan Kho Gaye,

Jo Gaye So Gaye,



Phir Yeh Kaise Howa,

Yun Hi Ik Ajnabi, Dekhte Dekhte

Dil Mein Utra, Nazar Mein Sama Sa Geya,



Aur Dhanak Rang Jazbay Jaga Sa Geya,

Jaise Baadal Koi, Be Iraada Yun Hi, Meri Chhat Pe Ruka,



Aur Barsay Bina Us Pe Thehra Raha,

Kya Tamasha Howa, Saamnay Thi Nadi Aur Koi Tashna Lab..



Us Ko Takta Geya Aur Piyasa Raha,

Ek Lamhay Mein Simtay Gi Yeh Daasta'n,



Kis Ko Maloom Tha,

Tum Milo Gay Mujhe Iss Tarha Bey Gumaan,

Kis Ko Maloom Tha.