Zindagi yun hui basar tanha.

Zindagi yun hui basar tanha.

Qafla sath aur safar tanha.



Apne saye se chonk jaate hen.

Umar guzri hai is qadar tanha.



Raat bhar bolte hen sannaate.

Raat kaate koi kidhar tanha.



Doobne waale paar ja utre.

Naqsh-e paa apne chhor kar tanha.



Din guzarta nahin he logon men.

Raat hoti nahin basar tanha.



Ham ne darwaaze tak to dekha tha.

Phir na jaane gaye kidhar tanha.