Bharri Bahaar Me Ab K Ajeeb Phool Khily,

Bharri Bahaar Me Ab K Ajeeb Phool Khily,

Na Apny Zakhhm Hi Mehky,Na Dil K Chaak Sily.



Kahan Talak Koi Dhoondy Musaafiron Ka Suraagh,

Bichharny Waalon Ka Kya Hy,Mily Mily, Na Mily.



Ajeeb Qehet Ka Mosam Tha Ab K Basti Me,

Kiye Hein Baanjh Zameenon Se Baarishon Ne Gily.



Ye Haadisa

Sar-e-Saahil Rula Gya Mujh Ko,

Bhanwar Me Doobny Waalon K Haath Bhi Na Hily.



Sinaan Ki Nok, Kbhi shaakh-e-Daar Pr "MOHSIN"

SukhanWaron Ko Mily Hein MushaQQaton K Sily..!!