Chand Manga Na Koi Chand Nagar Manga Tha,

Chand Manga Na Koi Chand Nagar Manga Tha,

Andhi Nagari K Liye Nor-E-Sehar Manga Tha,



Phenk Dein Noch K Maali Ne Zubanen Un Ki,

Chand Chirriyon Ne Chehakne Ko Shajar Manga Tha,



Piyaar Se Hum Ne Banaaya Tha Sahil Pe Kabhi,

Raat Bachoon Ne Wohi Rait Ka Ghar Manga Tha,



Zard Mousam Ki Hawaon Ne Ussay Gher Liya,

Jiss Ne Gulshan Main Baharon Ka Guzar Manga Tha,



Kaat Kar Haath Merey Rakh Diye Mere Aagey,

Koi Taawan Nahi Ajar-E-Hunar Manga Tha,



Na Janey Kis Liye Waqat Khafa Hai Mujh Se,

Main Ne Sookhy Huwe Pairron Se Samar Manga Tha,