Dekho kabhi to meri taraf Khush-dili k saath,

Dekho kabhi to meri taraf Khush-dili k saath,

Kiya farz hai k baat karo be-RuKhi k saath,



Hans hans k jee raha hoon Gham-e-zindagi k saath,

Tu Hausla to dekh mera be-basi k saath,



Jeena Khushi k saath, na marna Khushi k saath,

Kiya Khoob zehmaten hain ye dil ki lagi k saath,



Gham se nijaat paaen to paaen wo kis tarah,

Ye Gham laga huwa hai har ik aadmi k saath,



Khud se bhi aashna hoon Khuda Aashna bhi hoon,

Ek gum-rahi ka daaGh hai is Aagahi k saath,



Uzair tumhein sataaish e duniya ki fikar hai,

laazim hai shart-e-daad bhi kiya shaairi k saath !!