Ja Chuka Hy Wo, Uska Safar Bhool Ja,

Ja Chuka Hy Wo, Uska Safar Bhool Ja,

Khaak Palkon Se Dho, Rahguzar Bhool Ja,



Ajnabi Bn K Dekh Uski Tasweer Ko,

Yaad Rakhne K Sare Hunar Bhool Ja,



Phir Se Aabad Kr Dil K Patal Ko,

Uska Gaon, Gali, Bam o Dar Bhool Ja,



Aorh Le Khud Pe Dunia Ki Sab Ronaqen,

Zid Na Kr, Ab Usay Chashm e Tar Bhool Ja,



Yaad Rakh Uski Baaton K Sab Zaiqy,

Uske Waadon Ki Lazzat Mgr Bhool Ja,



Palkon Palkon Bichha Pyas Ki Teergi,

Ankh Me Chandni K Bhanwar Bhool Ja,



Uske Aane Na Aane Se Ab Dar Guzar,

Apne Hone Na Hone Ka Dar Bhool Ja,



Khud Se Wabasta Ruswaiyon Ki Trah,

Uski Shohrat Ki Taza Khabar Bhool Ja,



Ab To Yun Hi Keh Mohsin Hr Aik Yar Ko,

Lamha Bhar K Liye Yaad Kr, Bhool Ja...!!