Kamaal-e-zebt to main khud bhi to azmaon gi,

Kamaal-e-zebt to main khud bhi to azmaon gi,

Main apne haath se uski dulhan sajaon gi,



Supurd ker ke use chaandni ke haathon,

Main apne ghar ke andheron ko laut aaongi,



Badan ke karb ko woh bhi samajh na payega,

Main dil main raungi aanhkon main muskroungi,



Woh kya gaya ke rafaqat ke sare lutf gaya,

Main kis se rooth sakoungi kise manaongi,



Woh eik rishtaa-e-benaam bhi nahiin laikin,

Main ab bhi us ke ishaaron pe sar jhukhaoungi,



Ab us ka fan to kisi aur se mansoob hua,

Main kis ki nazam akele main gungunaungi,



Javaz dhoondh raha thaa nayee mohabbat ka,

Woh keh raha tha ke main us ko bhool jaoungi,



Samaton main ghanay jangalon ki saansein hain,

Main ab kabhi teri awaz sun na paoungi.