Dil ko khushi k sath sath hota raha malal bhi,
Baat wo aadhi raat ki raat wo pore chand ki,
Chand bhi ain chait ka us pe tera jamal bhi,
Sab se nazar bacha k wo mujh ko tha aise dekhta,
Ek dafa to ruk gai gardish-e-mah-o-saal bhi,
Dil to chamak sake ga kya phir b taraash ke dekh lo,
Shishaa garan-e-shahar ke hath ka ye kamal bhi,
Usko na pa sake the jab dil ka ajib haal tha,
Ab jo palat k dekhiye baat thi kuch muhaal bhi,
Meri talab tha ek shakhs wo jo nahi mila to phir,
Hath dua se youn gira bhool gya sawal bhi,
Sham ki na-samjh hawa pooch rahi hai ek pata,
Mauj-e-hawa-e-ku-e-yaar kuch to mera khayal bhi,
Uske hi bazoun me aur usko hi sochte rahe,
Jism ki khwahishon pe the ruh ke aur jaal bhi,
0 Comments