Laahaq hai yahan marz mohabbat ka sabhi ko,

Laahaq hai yahan marz mohabbat ka sabhi ko,

Is shehar k logon mein waba aam bohat hai.



Hr darja sharafat ka libada hai orha,

Aur dil mein haqaarat ki bala aam bohat hai.



Rishton k yahan paas to rakhtay hain sabhi pr,

Hairat hai k lutnay ki sada aam bohat hai.



Daawa hai k hr fard wafadaar hai yahan,

Hai darj kitaabon mein jafa aam bohat hai.



Tum naik tamannaein to rakhtay ho bohat Qateel,

Is shehar mein naiki ki Saza aam bohat hai.