Mery Saqi Tery Hathon Sy Agr Jaam Giry,

Mery Saqi Tery Hathon Sy Agr Jaam Giry,

Iska Matlab Hai Mery Khoon K Kuch Daam Giry,



Zalzla Aaya To

Be-Khana Hua Sheher Ka Sheher,

Qasr-E-Sultani K B Deewar-O-Dar-O-Baam Giry,



Dil Mera Doob Gya Doobty Sooraj Ki Tarah,

Kuch Sitary Meri Aankhon Sy Sar-e-Shaam Giry,



Aaiena Toot Gya Gir K Ksi Pthar Par,

Dar-e-Asnaam Pe Jesy Dil-e-nakaam Giry,



Tab Khula Mujh Pe K Jalty Hen Chraghon Sy Chiragh,

Lab-e-GulRang Se Jab Shola-e-Gulfaam Giry,



Koocha-e-Yaar Me Aany Ki Saza Hai Shayd,

Pathron Ki Tarah Is Sar Pe Kuch Ilzaam Giry,



Ab To

Deewar-e-Badan Khassta Hoi Hai

Nhi Malooom K Ye Subho Giry Shaam Giry..!