Sukhnori Hamain Kab Tajurbe Se Aai Hai.

Sukhnori Hamain Kab Tajurbe Se Aai Hai.

Zubaan Mein Chashni Dil Tottne Se Aai Hai.



Jidhar Se Mera Badan Dhoop Chaat Kar Guzra.

Hawa-E-Sard Usi Raste Se Aai Hai.



Tarrpta Main Hoon Pasina Us K Mathe Par.

Shikast-E-Dil Ki Sada Aaine Se Aai Hai.



Khulla Saboot Hai Dushmanon K Shabkhoon Ka.

K Dhool Thehere Howe Qafle Se Aai Hai.



Safar Mein Sath Mera Aur Koi Kiya Deta.

Hawa Bhi Meri Taraf Samane Se Aai Hai.



Sahar Ne Mujh Ko Nahi Kia Seeqal.

Meri Nazar Mein Chamak Ratjage Se Aai Hai.