Wisal Main Bhi Dil-e-Bezaar Utha Laaen Ge,

Wisal Main Bhi Dil-e-Bezaar Utha Laaen Ge,

Kab? Kahan? Kiya? Mere Dildaar Utha Laaen Ge.



Chahiye Kya Tumhe Tohfe Main? Bata Do Warna,

Hum To Bazaar K Bazaar Utha Laaen Ge.



Youn Mohabbat Se Na Hum Khana Badoshon Ko Bula,

Itne Saada Hain K GharBaar Utha Laae'n Ge.



Gar Kisi Jashn-e-Musarrat Main Bhi Chale Jaaen,

Chun K Aansoo Tere, Ghum Khuwaar Utha Laaen Ge.



Qatal Kar Dain Ge Mujhe Yaar,

Khabar Hai Mujh Ko,

Dafan Karne Mujhe Agh'yaar Utha Laaen Ge.



JaaNisaar Aese Hain Ehbaab, Jo Paani Maangun,

To Kuwaan Khodne Talwaar Utha Laaen Ge...!!