Be-Sadaa Gumbad-e-Aflaak Mere Baad Huwa,

Be-Sadaa Gumbad-e-Aflaak Mere Baad Huwa,

Saaneha Ye Bhi Alamnaak

Mere Baad Huwa,



Khaak Hi Kar Diya Phir Khaak Nashino Ne Mujhe,

Khaak Ka Saara Safar Khaak

Mere Baad Huwa..



Saamney Mere Jisey Baat Nahi Aati Thi,

Wo Bhi Sunta Hoon K Chalaak

Mere Baad Huwa..



Jab Mere Saath Tha Logoon Se Dara Rehta Tha,

Log Kehte Hain K Be-Baak Wo Mere Baad Huwa..



Wo Mujhe Chhor K Khush-Baash Nahi Reh Sakta Qateel!

Aur Us Ko Bhi Ye Idraak

Mere Baad Huwa.....