Bus Tere Jism Ki Khushu Se Guzarna Hai Mujhe,

Bus Tere Jism Ki Khushu Se Guzarna Hai Mujhe,

Thaam Le Haath K Us Paar Utarna Hai Mujhe,



Mere Seenay Main Jo Roshan Hai Tere Pas Bhi Ho,

Ye Charaagh Ab Teri Dehleez Pe Dharna Hai Mujhe,



Teri Aankhoon Main Hi Dooba Hoon Kahin Aur Nahi,

In Hi Jheelon Se Kisi Roz Ubharna Hai Mujhe,



Visaal Ki Baat Kiye Ja, Mere Jeenay K Liye,

Hijar Ki Baat Na Kar, Kiya Koi Marna Hai Mujhe,



Ujray Huwy Logon Main To Hota Hoon Shumaar,

Tu Sudhaary To Kisi Roz Sudharna Hai Mujhe,



Aisa BeKaar Bhi Kya Hoon K, Muhabbat Na Karoon,

Aur Karne Ka Koi Kaam To Karna Hai Mujhe,



Bheeg Jaatay Hai Sama'at Teri Sargoshi Se,

Teri Awaaz To Behta Huwa Jharna Hai Mujhe,



Aaeina Zung Se Chamke Hai To Main Sochta Hon,

Rung, Mitti Ka Tere Noor Main Bharna Hai Mujhe,



Waqt Ko Jane Ki Jaldi Hai Magar Kiya Kijiye,

Ab Tere Pas Bahut Dair Thehrna Hai Mujhe,



Main To Hansta Huwa Jungle Se Nikal Aaya Hoon,

Tera Matlab Hai K Is Baat Se Darna Hai Mujhe,