Lutf Wo Ishq Main Paaye Hain Ke Jee Jaanta Hai,

Lutf Wo Ishq Main Paaye Hain Ke Jee Jaanta Hai,

Ranj Bhi Aisay Uthaaye Hain Ke Jee Jaanta Hai,



Jo Zamaanay K Sitam Hain Wo Zamaanay Jaanay,

TU Ne Dil Itnay Sataaye Hain Ke Jee Jaanta Hai,



Muskuraatay Huway Wo Majmaa-e-Aghyaar K Saath,

Aaj Youn Bazm Main Aaye Hain Ke Jee Jaanta Hai,



Kaaba-o-Dair Main Pathra Gayeen Doono Aankhain,

Aisay Jalway Nazar Aaye Hain Ke Jee Jaanta Hai,



Dosti Main Teri Dar-Pardah Hamaaray Dushman,

Is Qadar Apne Paraaye Hain Ke Jee Jaanta Hai,



Daagh-e-Waarafta Ko Ham Aaj Tere Koochay Se,

Is Tarah Khainch Ke Laaye Hain Ke Jee Jaanta Hai ....!!