Un Pe Zahir Mere Armaan Kis Unwaan HOte,

Un Pe Zahir Mere Armaan Kis Unwaan HOte,

Main Na Kehta Bhi TO AankhOn Se Numayaan HOte,



KyOun Na Rehne Diya Sar DOsh_e_Adu Par Apna,

Tere GaisO TO Na Thay Hum JO Pareshaan HOte,



MOut Ne ROOk Diye Ashk_e_ Mareez_e_ Shab_e_Gham,

Yeh WOh Taare Thay JO Din KO Bhi Numayaan HOte,



KOn Deewana Unhein Chain Se Rehne Deta,

PhOOl Agar Meri Tarah Chaak Girebaan HOte,



Raat KyOun Baal Bikhaire Thay Na POOcha Main Ne,

Khwaab Ki Baat Thi Sarkaar Pareshaan HOte,



Aey Dil Hijar Ki Shab Kat Gayi DhOka Hai Tumhein,

Subah HOti TO Sitaare Na Darakhshaan HOte,