Raha Zabt Main Jab Na Dam, Ro Diye Hum,

Raha Zabt Main Jab Na Dam, Ro Diye Hum,

Tere Yaad Kar K Sitam, Ro Diye Hum.



Safar Kis Qadar Tha Kathan Bebasi Ka,

Chale Thay Abhi Do Qadam, Ro Diye Hum.



Mila Zakham To Ho Gaye Hum Pashemaa'n,

Jo Toota Wafa Ka Bharam, Ro Diye Hum.



Huwa Hijar Main Kabhi Zikar Tera,

Tere Chahatoo'n Ki Qasam, Ro Diye Hum.



Saraaha Kisi Ne Na Fun Be-Kasoo'n Ka,

Uthay Jhoot Par Jab Qalam, Ro Diye Hum.



Humaari Lagan Hashimi G Na Poocho,

Jo Dekha Tujhe Aankh Num, Ro Diye Hum.