Samne Sab K Na Bolein Gay Humara Kia Hai,

Samne Sab K Na Bolein Gay Humara Kia Hai,

Chup K Tanhai Mein Ro Lein Gay Humara Kia Hai,



Gulshan-E-Ishq Mein Har Phool Tumhara Hi Sahi,

Hum Koi Khaar Chabo Lein Gay Humara Kia Hai,



Umar Bhar Kon Rahe Abar-E-Karam Ka Mohtaj,

Dagh-E-Dil Ashkon Se Dho Lein Gay Humara Kia Hai,



Hath Aaya Na Agar Dast-E-Hanai Tera,

Unglian Khoon Mein Dabo Lein Gay Humara Kia Hai,



Tum Ne Mahlon K Ilawa Nahi Dekha Kuch Bhi,

Hum To Footh Path Pe So Lein Gay Humara Kia Hai,



Apni Manzal To Sarabon Ka Safar Hai Baqi,

Hum Kisi Rah Pe Ho Lein Gay Humara Kia Hai...