Bil-Aakhir Ye Haseen Manzar Mita Dena Hi Parta Hai,

Bil-Aakhir Ye Haseen Manzar Mita Dena Hi Parta Hai,

Kisi K Sar Ko Shaaney Se Hata Dena Hi Parta Hai.



Kisi Dair Aashna Ko Jhootey Sachey Kuch Hawalon Se,

Ta'aurf K Liye Sab Se Mila Dena Hi Parta Hai.



Jo Saanson Mein Mehaktey Hain Jo Aankhon Mein Damaktey Hain,

Achanak Aik Din Un Ko Bhula Dena Hi Parta Hai.



Diye Jo Ham Jalatey Hain Nihayat Shoq Se Har Shab,

Unhein Khud Apni Phoonkon Se Bujha Dena Hi Parta Hai.



Koi Jab Haal Poochta Hai Hum Se, Kaisa Haal Hai?

Humein Muhtaat Ho Kar Muskura Dena Hi Parta Hai.



Chamak Uth'tey Hain Jab Sitaarey Us Ki Palkon Par,

Ussey Dil Se Laga Kar Hosla Dena Hi Parta Hai.