Jis Ne Aana Hi Nahi Uss Ko Bulaaey Huey Hain.

Jis Ne Aana Hi Nahi Uss Ko Bulaaey Huey Hain.

Hum To Apni Hi Murawwat K Sataaey Huey Hain.



Mera Qad Lashkar_E_Baatil Sey Barra Hey Ab Tak.

Log Naizey Pe Mera Sar Jo Utthaaey Huey Hain.



Meri Her Samt Andhairo'n Ko Barrhany Walo.

Me Ne Dill Hee Me Kahin Deep Jalaaey Huey Hain.



Muskuraya Hoon Bharam Zabt Ka Rakhney K liye.

Warna Aansoo To Mri Aankh Tak Aaey Huey Hain.



Hum Ne Chhotta Kiya Khud Ko Na Jhukaaya Uss Ko.

Hum Wafaao'n Ko Barri Dhajj Say Nibhaaey Huey Hain.



Mujhey Taqdeer Sey Shikwa Na Shikaayat Rab Sey.

Mere Halaat Mere Apne Bnaaey Huey Hain.