Q Uthaatay Ho Sar-e-Bazm Ye Bekaar Ki Baat

Q Uthaatay Ho Sar-e-Bazm Ye Bekaar Ki Baat

Lo Suno Meri Zuban Deeda-e-Bedaar Ki Baat



Ghair Ki Main Jal Jal K Huwe Surma-e-Toor

Meray Kaano Ne Suni Toot'ti Talwaar Ki Baat



Dhoop Ki Sakht Tamazat Main Jala Hon Barson

Dil Jalaye Gi Kahan Aatish-o-Angaar Ki Baat



Mujh Ko Samjha Diye Halaat Ne Maaena Matlab

Main Bhala Kaise Karon Ghairat-e-Pindaar Ki Baat



Shab-e-Hijraa'n Hai, Kahan Tootay Ga Rishta Dil Ka

Hai Ye Qismat Main Likhi Waqt K Iqraar Ki Baat



Aatish-e-Sooz Main Jalnay Se Mili Shaan-e-Faqr

Is Liye Aai Zuban Khalq Pe Kirdaar Ki Baat



Jurr Gaya Dil Se Takhayul Ka Taluq Jab Se

Jhooti Lagnay Lagi Har Sahib-e-Guftaar Ki Baat



Jab Se Khuwabon Main Tamanao'n Ne Chehra Badla

Mujh Ko Dasnay Lagi Har Shookhi-e-Gulnaar Ki Baat



Meray Dil Ne Jo Taraasha Tha Sanam Pathar Ka

Hai Faqat Meray Liye Aaj Bhi Aazaar Ki Baat



Meray Ehsaas Ko Mil Jaata Yahan Qurb

Main Agar Sun K Yaqee'n Karta Na Deewar Ki Baat