Aise Chup Hain K Ye Manzil Bhi Karri Ho Jaisay

Aise Chup Hain K Ye Manzil Bhi Karri Ho Jaisay

Tera Milna Bhi Judaai Ki Gharri Ho Jaisay



Apnay Hi Saaye Se Har Dam Laraz Jaata Hoon

Raastay Mein Koi Deewar Kharri Ho Jaisay



Kitne Nadaa'n Hain Tere Bhoolne Wale K Tujhay

Yaad Karne K Liye Umar Parri Ho Jaisay



Teray Maathe Ki Shikan Pehley Bhi Dekhi Thi Magar

Ye Girah Ab K Mere Dil Mein Parri Ho Jaisay



Manzilen Door Bhi Hain Manzilen Nazdeek Bhi Hain

Apnay Paaon Main Zanjeer Parri Ho Jaisay



Aaj Dil Khol K Roye Hain To Youn Khush Hain "Faraz"

Chand Lamhoon Ki Ye Raahat Bhi Parri Ho Jaisay