Hawa Se Phir Koi Khushbo Nai Kasheed Karen,

Hawa Se Phir Koi Khushbo Nai Kasheed Karen,

Nai Ruton K Lye Taazgi Kasheed Karen.



Umeed Ki Koi Konpal Kabhi Na Murjhaye,

Khizaan Raseeda Shajar Se Nami Kasheed Karen.



Tamam Aablay Kaanton Se Chhaid Hi Dalen,

Par 1 Lamha Ko Aasodgi Kasheed Karen.



Wo Sub Hawalay Jo Dil Main Mere Dharkte Hai,

Ab Un Se Kaisay Hawala Koi Kasheed Karen.



Kabhi To Jugnu Ki Soorat Andheri Raaton Mein,

Safar Ko Khuwab Karen Roshni Kasheed Karen.



Kanaar-e-Bahr-e-Khayaal-e-Hajoom-e-Mauj-e-Rawaan,

Sha'oor-e-Raig Se Kuch Aagahi Kasheed Karen.



Nikharen Ward K Pehlu Mein Mosim-e-Dil Ko,

Mahek Churayen To Rangat Kabhi Kasheed Karen.