Kis Khuwaab Ki Ye Hum Ko Tabeer Nazar Aayi..

Kis Khuwaab Ki Ye Hum Ko Tabeer Nazar Aayi..

Zindaan Nazar Aaya, Zanjeer Nazar Aayi..



Sab Apnay Azaabon Mein Apnay Hisabon Mein..

Duniya Ye Qayamat Ki Tassveer Nazar Aayi..



Kuch Dekhtay Rehnay Se, Kuch Sochtay Rehnay Se..

Ek Shakhs Mein Duniya Ki Taqdeer Nazar Aayi..



Jalta Tha Main Aago'n Mein, Rota Tha Main Khuwaaboo'n Mein..

Tab Harf Mein Ye Apni Tassveer Nazar Aayi..



Darbaar Mein Haazir Hain Phir Ehal-e-Qalam Apnay..

Kiya Harf-e-Bayaa'n Mein Hai Taseer, Nazar Aayi..



Kuch Khuwaab Gulaab Aisay, Kuch Zakham Azaab Aisay..

Phir Dil K Khhandar Mein Ek Tameer Nazar Aayi..



Ek Khuwaab K Aalam Mein Dekha K Hum Donon..

Lo Shamma Ki Shab Hum Ko Shamsheer Nazar Aayi..



Un Zameeno'n Mein Wo Kaam Kiya Hum Ne..

Phir Un Ki Zameen Apni Jageer Nazar Aayi..