Hairaan Hoon Mein, Tu Phir Bhi Meri TaqdeeR Nahi.
Ik Baar To Chal Ay Baad-E-SaBa MaqtaL ki Taraf,
MaqtaL Mein koi NaaLa-E-DiL-E-Dilgeer Nahi.
Mutrib ko Azaan-E-SaHaR ki kis Ne Mohlat Di,
Hai Kon Yahaan Aisa Jo Abhi Shabb-GeeR Nahi.
Bin Pochhey Humaare DiL Mein Kiyon Kar Beth Gaye,
Ye DiL Jo kisi k Baap ki Bhi JaGeeR Nahi.
Hum ko To Hazaaron Baar, Hazaaron Khuwaab Dikhaye,
Ay RABB-E-JaHaan! Kiya Inn Ki Koi Tabeer Nahi.
Samaan-E-AzaL Sab LooT Liya RahGeeron Ne,
Ab Fard-E-AmaL Mein Ik Bhi To TaQseer Nahi.
Ay SaaQi ! Yahaan Peene De Humein Aur Shor Na Kar,
Iss Jagah Se Behtar Aur Kaheen TouQeeR Nahi.
Ay Jaan-E-ALI! Iss Dil Mein Basso To Behtar Hai,
Lau-Laaka-Lama" Juz Aur Koi Tanveer Nahi.
0 Comments