Kyun samajh nahi aati teri deewanon ki..

Kyun samajh nahi aati teri deewanon ki..

Daamanon ki khabar hai na girebanon ki..



Ay jafaa-kaar tere ehad se pehley to na thi..

Kasrat ess darja mohabbat k pashemano'n ki..



Faiz saaqi ki ajab dhoom hai mekhaano'n mein..

Har taraf may ki talab maang hai pemaano'n ki..



Raaz-e-gham se hamein aagah kiya khoob kiya..

Kuch nihayat hi nahi aap k ehsaano'n ki..



Yaad phir taaza huwi haal se tere 'Hasrat'..

Qais-o-Farhaad k guzray huwe afsaano'n ki...!!!