Hum ne kati hain teri yaad mein ratain aksar,
Dil se guzri hain sitaron ki baratein aksar,
Ishq rehzan na sahi ishq k hathon phir bhi,
Hum ne lutti hoi dekhein hain baratein aksar.
Hum se aik bar bhi na jeeta hai na jeetay ga koi,
Woh to hum jan k kha lete hain matein aksar.
In se pucho kabhi chehray bhi parhe hain tum ne,
Jo kitabon ki kia karte hain batain aksar.
Haal kehna ho kisi se to mukhatib hai koi,
Kitni dilchasp huwa karti hain batain aksar.
Aur to kon hai jo mujh ko tasali deta,.........
Hath rakh deti hain dil per teri yadein aksar.....
0 Comments