Zamana Khud Bata De Ga Main Tum Se Kuch Nahi Kehta,

Zamana Khud Bata De Ga Main Tum Se Kuch
Nahi Kehta,
Sabhi Parde Utha De Ga Main Tum Se Kuch
Nahi Kehta,

Wo Afsana Jise Tum Sarsari Si Dastaan Samjhe,
Tumhain Ek Din Rula De Ga Main Tum Se Kuch
Nahi Kehta,

Wohi Jo Is Zamane Ka Maseeha Tum Ko Kehta
Hai,
Yehi Qatil Bana De Ga Main Tum Se Kuch Nahi
Kehta,

Dino K Aane Jane Mein Tumhari Hi Tarha Mujh
Ko,
Zamana Bhi Bhula De Ga Main Tum Se Kuch
Nahi Kehta,

Sunaya Hai Mujhe Jo Aaj Tum Ne Kal Yehi Qisa,
Tumhain Mosam Suna De Ga Main Tum Se
Kuch Nahi Kehta,

Bahut Aabad Raston Se Guzarta Waqt Ka Daria,
Sabhi Naqshe Mita De Ga Main Tum Se Kuch
Nahi Kehta..!