Koi To Hum Ko Bhi itna Sochay.. K Khud Ko Hum Par He Vaar Daalay..

Bahaar e Taza Ka Haath Thaamay..
BarastAy Baadal Ki Baarishon Me..
Mehektay Aanchal Ko Sar Pe Aorrhay..
Koi Gulaabon Ki Khhali Shakhon Pe..
ApnAy Hontton Se Phool Taankay..

Paighaam e Subh e Naveed Parrh k..
Koi To Aankhon Ki SarZameen Se..
Sisakti Kaliyon K Moti Chun K..
Piyaasay Honton K Maqbaron Par..
Gulaab Rangon K Haar Daalay..

Koi Shafaq K Udaas Dil Say..
Meri Mahabbat Ka Noha Sun K..
Pakarr K Kirnon Ki Ungaliyon Ko..
Taareek Raaton K Kaaghazon Par..
Jugnuon Se Likhay Ujaalay..

Koi To Hum Ko Bhi itna Sochay..
K Khud Ko Hum Par He Vaar Daalay..
Koi To itna Lipat K Roye..
K Ab K Hum Ko He Maar Daalay..