Housle Mat Azmao Sham Dhalti Ja Rahi Hai.

Housle Mat Azmao Sham Dhalti Ja Rahi Hai.

Tum Kahin Se Lot Aao Sham Dhalti Ja Rahi Hai..

Ye Udaasi Ka Samaa Tu Jan Le Le Ga Hamari.

Koi Naghma Gungunao Sham Dhalti Ja Rahi Hai..

Meri Suni Suni Aankhen Mudaton Se Thin Payasi.

Tashna'gi In ki Bujhao Sham Dhalti Ja Rahi Hai..

Hasraton Ki Goud Me Dam Torr De Gi Zindagi Ab.

Wo Anees-E-Jaan Bulao Sham Dhalti Ja Rahi Hai..

Muntazir Bethen Hain Mai'kash Ibtadai Mai'kashi ko.

Saqiya Nazren Milao Sham Dhalti Ja Rahi Hai..

Phir Payam-E-Ishq Likhon In Hawaon ki Jabeen Par.

Rasm-E-Dildari Nibhao Sham Dhalti Ja Rahi Hai..

Phir Shab-E-Furqat Me Sulgo Tanha Tanha Raat Bhar Tum.

Phir Kisi Se Dil Lagao Sham Dhalti Ja Rahi Hai..

Phir kisi ki Yad K Aane Ka Mousam Aa gya Hai.

Phir Harim-E-Dil Sajao Sham Dhalti Ja Rahi Hai..

Aane Wale Mousamon Ka Kya Bharosa Jaan-E-MazlooM.

Tum Charagh-E-Shab Jalao Sham Dhalti Ja Rahi Hai..........