Kiyon Abar Se Jalta Hai K Sehra To Nahi Wo,

Kiyon Abar Se Jalta Hai K Sehra To Nahi Wo,

Piyaasa Bhi Kabhi Hoga K Dariya To Nahi Wo,

Aawaz Bhi Dena K Wo Shaayad Palat Aaye,

Mohtaat Bhi Rehna K Shanaasa To Nahi Wo,

Har Ek Se Shanasaai Ka Ilzaam Bhi Dena,

Phir Sochte Rehna Bhi K aisa To Nahi Wo,

Utrey Hain Un Aankho'n Mein To Ab Tak Nahi Loutay,

Kuch Log Samjhte Hain K Gehra To Nahi Wo,

Nikli Hon Ussey Torrne Khud Apni Zido'n Se,

Haalan k Samjhti Hoon K Sheesha To Nahi Wo,

Kiya Ussey Chupaaon K Nahi Ghair Bhi Itna,

Kiya Ussey Bataon K Mera Apna To Nahi Wo,

Bhoole Se Hi Dekhe Kabhi Rah Mein Mujh Ko,

Aur Khud Se Hi Keh De "AZRA" To Nahi Wo,