Howa jo Qatal to yaad aaya naam Mohsin ka

ہُوا جو قتل تو یاد آیا نام محسنؔ کا

ہے معتبر سرِ مقتل مقام محسنؔ کا

کوئ بھی شخص بچانے نہ آیا محسنؔ کو

گلی میں ہوتا رہا قتلِ عام محسنؔ کا

یہ شرفِ قتل تو لے گئ بندوق کی گولی

سناں تو کرتی رہی احترام محسنؔ کا

ترس رہی ہیں وہی سُرخ راہیں مقتل کی

کہ جن پہ ہوتا ہے بس ذِکرِ عام محسنؔ کا

مِلا ہے کیا تُمھیں اے قاتلو قتل کر کے

لبوں پہ آج بھی زِندہ ہے نام محسنؔ کا

یزیدیت کا زمانہ نہ قتل کر دے تُجھے

ابھی بھی وقت ہے دَر تُو نہ تھام محسنؔ کا

ہے میرے پیر نے قاتل کو دی دعا ہر دم

یہی رُلاۓ گا قاتل کو کام محسنؔ کا

کوئ بھی آنچ نہ آۓ گی نام پر اُس کے

رہے گا زِندہ یہ جب تک غلام محسنؔ کا

سُنائ نوکِ سناں پر جو نظم کل میں نے

زمانہ رویا سمجھ کر کلام محسنؔ کا

میں اپنے پیر کو باقرؔ بُھلا نہیں سکتا

کروں گا ذِکر یُونہی صبح و شام محسنؔ کا

مُــــــــــــــــرید بــــــــــــــــاقرؔ انصــــــــــــــــاری