SUNO AE HUMSAFAR MERI

SUNO AE HUMSAFAR MERI

Mujhe Tum Se Ye Kehna Hai

Mujhe Tum Se Muhabbat Thi

Mujhe Tum Se Muhabbat Hai

Mere Din Raat Mein Tum Ho

Meri Har Baat Mein Tum Ho

Khushi K Jitney Mousam Bhi

Tumhaare Saath Daikhe Hain

Mere Jeevan Ka Hasil Hain

Tumhaare Naam K Jugnu,

Tumhaare Lams Ki Khusbhoo,

Tumhare Pyar Ka Jadoo

Meri Rug Rug Mein Shamil Hai

Main Apni Zaat K Chahe Kisi Mousam Mein Rehta Hun

Har Ek Mousam Tumhaara Hai

Tumhara Saath Pyaara Hai

Mere Har Pal Mein Rehti Ho

Jo Mera Dil Hai Pagal Sa

Usi Pagal Mein Rehti Ho

Suno! Tum Se Yeh Kehna Hai

K Tum Meri Muhabbat Se Kabhi Mat Budgumaan Hona

K Meri Zindagani K Sabhi Raste Jo Such PoochO

Tumhari Simt Aate Hain

Main Tum Se Door Reh Paon Yeh Ab Mumkin Nahi Janaan

Suno! Ehd-E- Muhabbat Ki Mujhe Tajdeed Karni Hai

Purani Baat Hai Laikin Mujhe Phir Bhi Yeh Kehni Hai

Mujhe Tum Se Muhabbat Thi, Mujhe Tum Se Muhabbat Hai

Har Ek Mousam Tumhara Hai

Tumhara Saath Pyaara Hai