Hum tujhe bhool kr bhi dekhenge...

Wus'at-e-chashm-e-tar bhi dekhenge...

Hum tujhe bhool kr bhi dekhenge...  

Hijr ki shab se hausle apne...  

Bach gye to sehar bhi dekhenge...  

Raat hone do,, log sone do...  

Chaand ko dar-ba-dar bhi dekhenge...  

Ek dua dil se chhup k maangi thi... 

Us dua ka asar bhi dekhenge...  

Ek puraana safar to khatm hua...  

Ek nayii rahguzar bhi dekhenge...  

Gin to lene do be-kafan laashe'n...  

Be-sadaa baam-o-dar bhi dekhenge...  

Chher kr dil ki raakh ko MOHSIN...  

Ab k raqs-e-sharar bhi dekhenge...!!