Khud ko parrhta hon, chorr deta hon
eik warq rooz morr deta hon
Ess qadar zaKhm haiN nigaahon meiN
roz ek aaina toR deta hoN
maiN pujari baraste phooloun ka
chu k shaKhoun ko chorr deta hon
kasa-e-shab mein Khoon suraj ka
qatra qatra nichoR deta hon
kaanpte hount bheegti palkein
baat adhori hi choR deta hon
Rait k ghar bana bana k main.
jane kyo Khud hi torr deta hoon
0 Comments